इच्छित ध्येय गाठायचे असेल तर योग्य दिशेने प्रयत्न करायला हवेत — डीवायएसपी वाघचौरे
प्रतिनिधी —
जगात अनेक नावाजलेली व दैदिप्यमान यश मिळवलेली माणसे आहेत.त्यांचे यश अपणाला दिसते मात्र त्यामागील प्रयत्न दिसत नाही. अशाच यशस्वी व्यक्तींपैकी एक म्हणजे क्रिकेटचा देव सचिन तेंडूलकर हे होय. प्रत्येकाला सचिन व्हावेसे वाटते पण सचिनसारखे कष्ट नको असतात. असे चालणार नाही. तुम्हाला जर यशाच्या शिखरावर जायचे असेल व इच्छित ध्येय गाठायचे असेल तर योग्य दिशेने प्रयत्न करायला हवेत. ती योग्य दिशा दाखविण्याचे काम विद्या विद्यापीठ ही संस्था करीत आहेत असे प्रतिपादन संगमनेरचे उपविभागीय पोलीस अधिकारी सोमनाथ वाघचौरे यांनी केले आहे.
विद्या विद्यापीठ संचलित व्हिजन कोचिंग इन्स्टीट्युट च्या वतीने आयोजित केलेल्या १० वीच्या गुणवंत विद्यार्थी सत्कार समारंभ प्रसंगी आयोजित कार्यक्रमात ते बोलत होते. कार्यक्रमाच्या अध्यक्षस्थानी विदयापीठाचे अध्यक्ष डॉ. नामदेव गुंजाळ हे होते. प्रा. राहुल मिश्रा, प्रा. सुनिल सुतार, डॉ.हर्षवर्धन गुंजाळ आदि उपस्थित होते.
वाघचौरे म्हणाले कि, अभ्यास व करिअरच्या वाटा हा माझा जिव्हाळ्यााचा विषय राहिला आहे. मला मार्गदर्शन मिळण्यासाठी खूप आटा पिटा करावा लागला. पण तुम्ही सर्व विद्यार्थी भाग्यवान आहात कि तुम्हाला व्हिजन कोचिंग इन्स्टीट्युट तुमच्या गावातच आहेत. व खास अनुभवी व तज्ज्ञ शिक्षक तुमच्या अध्यापणासाठी आहेत. या संधीचा फायदा संगमनेर, अकोले तालुक्यातील विद्यार्थ्यासह पालकांनी घेतला पाहिजे असे आवाहनही त्यांनी यावेळी केले.
यावेळी अध्यक्ष गुंजाळ म्हणाले कि, आम्ही ग्रामीण भागातून आलो असल्याने ग्रामीण भागातील मुलांच्या समस्या आम्हाला चांगल्या माहिती आहेत. घरातील एकाने जरी उच्च शिक्षण घेतले तरी घरची परिस्थिती बदलून जाते. एवढेच नाही तर कुटूंबातील पुढील पिढ्यांना योग्य दिशा मिळते. याचा विचार करुन आता पालकांनी जागरुक होवून आपल्या पाल्यांना इंजिनीअर, डॉक्टर व प्रशासकीय सेवेत पाठविले पाहिजे. त्यांना मार्गदर्शन करण्यासाठी व दिशा देण्यासाठी व्हिजन कोचिंग इन्स्टीट्युट तुमच्या पाठीशी सदैव असल्याचे प्रतिपादनही त्यांनी यावेळी केले.
यावेळी कोटा येथील तज्ज्ञ शिक्षक प्रा.राहूल मिश्रा यांनी उपस्थित पालक व विद्यार्थ्यांना करिअर मार्गदर्शन केले. यावेळी पास झालेल्या विद्यार्थ्यांचा सत्कार करण्यात आला. कार्यक्रमाचे प्रास्ताविक संचालक डॉ.हर्षवर्धन गुंजाळ यांनी केले आभार व सुत्रसंचलन व्यवस्थापक दीपक पावसे यांनी केले.
