लोकनेते बाळासाहेब थोरात यांच्या वाढदिवसानिमित्त निमगाव जाळी येथे विविध स्पर्धांचे आयोजन

संगमनेर | प्रतिनिधी

माजी मंत्री लोकनेते बाळासाहेब थोरात यांच्या वाढदिवसानिमित्त तालुक्यातील निमगाव जाळी येथे विविध शालेय स्पर्धांचे आयोजन व बक्षीस वितरणाचा कार्यक्रम उत्साहात संपन्न झाला असल्याची माहिती गावच्या लोकनियुक्त सरपंच तसेच राजहंस दुध संघाच्या संचालिका प्रतिभा जोंधळे यांनी दिली आहे.

      याबाबत सांगताना जोंधळे म्हणाल्या की, लोकनेते थोरात हे तालुक्याचे भाग्यविधाते व कुटुंबप्रमुख असून त्यांचा वाढदिवस संपूर्ण तालुका हा मोठ्या उत्साहात साजरा करत असतो. निमगाव जाळी गाव हे कायम थोरात यांच्या विचारांच्या पाठीशी भक्कमपणे असून त्यांच्या वाढदिवसानिमित्त गावातील शाळेत वकृत्व स्पर्धा, चित्रकला स्पर्धा घेण्यात आल्या व विद्यार्थ्यांना शालेय साहित्याचे वाटप व बक्षीस वितरणही करण्यात आले. या कार्यक्रमाला विद्यार्थ्यांनी, पालकांनी व ग्रामस्थांनी उदंड प्रतिसाद दिला.

     या कार्यक्रम प्रसंगी रंगनाथ वदक, सुखदेव डेंगळे, रावसाहेब थेटे, मोहन वदक, सोसायटी चे संचालक सोमनाथ जोंधळे, अशोक भोसले, गोरख वदक, तान्हाजी जोंधळे, दत्तू तळोले, संजय वदक, विद्यालयाचे प्राचार्य गागरे सर्व स्टाफ व गावातील कार्यकर्ते उपस्थित होते.