सुसंस्कृत संगमनेरात पुन्हा गोवंश हत्या !

३०० किलो गोवंश जनावराचे मांस पकडले…

प्रतिनिधी —

संगमनेर शहरातील अवैध कत्तलखान्यांमधून गोवंश जनावरांच्या कत्तली होत असल्याचे सत्र सुरूच असल्याचे उघडकीस आले आहे. रविवारी पहाटे संगमनेर शहर पोलिसांनी छापा टाकत तीनशे किलो जनावरांचे मांस आणि एक टेम्पो जप्त केला आहे.

संपूर्ण राज्यात संगमनेर गोवंशाच्या कत्तलीसाठी प्रसिद्ध आहे. अवैध कत्तलखाने संगमनेर शहराच्या उपनगरांमध्ये आहेत. जमजम कॉलनी, भारत नगर, मोगलपुरा, कोल्हेवाडी रोड परिसरात असे अनेक अवैध कत्तलखाने आणि जनावरांना कोंडून ठेवण्याचे कोंडवाडे आहेत. हे सर्व अवैध कत्तल करणाऱ्या कसायांची बेकायदेशीर प्रॉपर्टी आहे.

याठिकाणी वेळोवेळी पोलिसांनी छापे टाकले. वेळोवेळी कारवाई झालेल्या आहेत. तरीही येथील कत्तली थांबत नाहीत. कत्तलखाने सर्रासपणे सुरूच असतात.

पोलिसांना मिळालेल्या खबरी नुसार संगमनेर पोलिसांनी मदिना नगर परिसरात गोवंश हत्या चालू असल्याचे समजल्यानंतर छापा टाकल्यावर हे जनावरांचे मास आढळून आले. पोलिसांनी हे मांस व यासाठी वाहतूक करण्यासाठी वापरण्यात येणारा टेम्पो जप्त केलेला आहे.

याप्रकरणी पोलीस कॉन्स्टेबल सुरेश मोरे यांनी फिर्याद दिली असून तौसीफ ताहीर कुरेशी रा. भारत नगर, गुलाम फरीद कुरेशी रा. मोगल पुरा व समसुद्दिन कुरेशी संगमनेर या तिघांविरुद्ध गुन्हा दाखल करण्यात आला आहे.