वर्षानुवर्षे ‘विनाअपघात’ सेवा हे मालपाणी उद्योग समुहातील कामगारांचे वैशिष्ट्य — हर्षवर्धन मालपाणी

औद्योगिक सुरक्षा सप्ताहानिमित्त विविध उपक्रम संपन्न

प्रतिनिधी —

‘वर्षानुवर्षे विनाअपघात सेवा कुशलतेने देणे हे मालपाणी उद्योग समुहातील कामगारांचे वैशिष्ट्य आहे. सुरक्षेच्या साधनांचा वापर जागरूकतेने केल्याने कामामध्ये अचूकता येते आणि जीवघेणे अपघात टाळता येतात हे या कामगारांनी आपल्यातील सजगतेने सिध्द केले आहे. त्यांच्या जागरूकतेचा सार्थ अभिमान आहे असे प्रतिपादन मालपाणी उद्योगसमूहाचे संचालक हर्षवर्धन मालपाणी यांनी आज येथे केले.

४ मार्च ते ११ मार्च यादरम्यान विविध उपक्रमांनी साजऱ्या झालेल्या औद्योगिक सुरक्षा सप्ताहाचा सांगता समारोह मालपाणी हेल्थ क्लबच्या सभागृहात आयोजित करण्यात आला होता. त्यावेळी प्रमुख अतिथी म्हणून बोलताना मालपाणी यांनी वरील प्रतीपादन केले.

यावेळी व्यासपीठावर औद्योगिक सुरक्षा तज्ज्ञ श्रीकांत कुलंगे यांच्यासह मालपाणी उद्योग समुहातील रमेश घोलप, शिवाजी आहेर, देवदत सोमवंशी, उपस्थित होते.

‘मालपाणी उद्योग समूह म्हणजे एक परिवार आहे. इथे व्यवस्थापन आणि कामगार सहकारी परस्परांची पुरेपुर काळजी घेतात. समूहात स्थापन करण्यात आलेली सुरक्षा समिती वेळोवेळी सुरक्षाविषयक प्रशिक्षणासाठी प्रात्याक्षिके आणि कार्यशाळा आयोजित करीत असल्याने त्याचे प्रतिबिंब कामगारांच्या सफाईदार व सुरक्षित कार्यपद्धतीत दिसून येते. ‘जान है तो जहान है’ हे तत्व सर्वांना पटल्याने हे शक्य झाले आहे मालपाणी उद्योग समूह आपल्या कामगार सहका-यांवर पुत्रवत प्रेम करतो. त्यामुळे सर्व प्रकारचे सुरक्षा साधने मुबलक प्रमाणात पुरविली जातात. मागील दहा वर्षांपासून सुरक्षा सप्ताह अनेक उपक्रमांनी साजरा होतो. त्यातून कामगार अधिक जागरूक झाले आहेत असे मालपाणी म्हणाले.

औद्योगिक सुरक्षा तज्ज्ञ श्रीकांत कुलंगे यांनी सुरक्षा विषयक अभ्यासपूर्ण व प्रभावी व्याख्यानातून कामगारांना अनेक महत्वाच्या गोष्टी तळमळीने समजावून सांगितल्या.

१० मार्च ही मालपाणी उद्योग समुहाचे अध्वर्यू स्वर्गीय ओंकारनाथजी मालपाणी यांची पुण्यतिथी असल्याने दोन मिनिटे मौन पाळून त्यांच्या स्मृतीस अभिवादन करण्यात आले.

सप्ताहामध्ये घेण्यात आलेल्या विविध स्पर्धेतील विजेत्यांना तसेच कोवीड संकटकाळात लक्षवेधी कामगिरी करणाऱ्या सुरक्षा विभागातील व हाउस कीपिंग विभागातील कर्मचाऱ्यांना व गुणवंत कामगारांना प्रशस्तीपत्र आणि भेटवस्तू देऊन त्यांचा सत्कार करण्यात आला.सोमवंशी यांनी कार्यक्रमाच्या प्रास्ताविकात सप्ताहातील विविध उपक्रमांची विस्ताराने माहिती दिली.

या वेळी रमेश घोलप, शिवाजी आहेर यांची समयोचित भाषणेझाली. दोघांनीही आपल्या भाषणात सुरक्षा सप्ताहाच्या आयोजनात महत्त्वपूर्ण भूमिका बजावणाऱ्या देवदत्त सोमवंशी, रवींद्र कानडे, सुरक्षा विभाग प्रमुख दादासाहेब सुपेकर, संतोष राऊत, मंगेश उनवणे, राहुल शेरमाळे, अर्चना शुक्ला या सुरक्षा समितीच्या सदस्यांचे कौतुक केले. मालपाणी उद्योग समुहात सुरक्षा सप्ताह साजरा करण्याचे हे बारावे वर्षं आहे.म् हणजे बरोबर एक तप हा उपक्रम व्यवस्थितपणे अव्याहत सुरु ठेवण्याचे काम समितीने केले आहे. असे घोलप व आहेर म्हणाले.

कार्यक्रमाचे सूत्रसंचालन संतोष राऊत, मनोज हासे यांनी तर आभार प्रदर्शन कामगार नेते अर्जुन अरगडे यांनी केले. मालपाणी उद्योग समुहातील कामगार सहकारी पुरुष आणि महिला यावेळी मोठ्या संख्येने उपस्थित होते.