संगमनेर तालुक्यातील ग्रामपंचायत निवडणुकीतील सर्व अर्जदारांनी १९ जानेवारी २०२३ पर्यंत निवडणूक खर्चाचे अहवाल सादर करावेत — तहसीलदार

प्रतिनिधी —

संगमनेर तालुक्यातील नुकत्याच पार पडलेल्या ग्रामपंचायत निवडणुकी मधील सर्व अर्जदार (वैध, अवैध, माघार घेतलेले, बिनविरोध, निवडणुक लढविलेले) यांनी निवडणूक कामी झालेला दैनंदिन निवडणुक खर्च व सर्व आवश्यक अहवालासह True voter aplication च्या माध्यमातून ऑनलाईल पध्दतीने सादर करुन त्याची प्रिंटआऊट काडून व त्यावर उमेदवार / अर्जदाराने स्वाक्षरी करुन नमुद केलेल्या विहीत मुदतीत संबंधित निवडणुक निर्णय अधिकारी यांच्या कडे सादर करावयचा आहे. असे प्रसिद्धी पत्र संगमनेरचे तहसीलदार अमोल निकम यांनी प्रसिद्धीस दिले आहे.

संगमनेर तालुक्यातील निंबाळे, धांदरफळ खुर्द, जांबुत बु., चिकणी, कोळवाडे, निमगांव भोजापुर, कर्जुलेपठार, मालुंजे, निमगांवजाळी, हंगेवाडी, रणखांबवाडी, निळवंडे, सादतपुर, दरेवाडी, घुलेवाडी, करुले, रहिमपुर, धांदरफळ बु., कनकापुर, वडझरी खुर्द, ओझर खुर्द, डोळासणे, पोखरीहवेली, सायखिंडी ,चिंचोलीगुरव, पिंपरणे, वडझरी बु., जोर्वे, कोल्हेवाडी, उंबरीबाळापुर, वाघापुर, खराडी, तळेगांव दिघे, निमोण, अंभोरे, साकुर, जांभुळवाडी अशा एकुण ३७ ग्रामपंचापयतीसाठी माहे ऑक्टोंबर २०२२ ते डिसेंबर २०२२ या कालावधीत मुदत संपणा-या ग्रामपंचायती, नव्याने स्थापित ग्रामपंचायती तसेच समर्पित आयोगाच्या अहवालात दिसत नसल्यामुळे मागील निवडणुकांमधुन वगळलेल्या ग्रामपंचायतींची (सदस्य पदासह थेट सरपंच पदाच्या ) सार्वत्रिक निवडणुक दिनांक १८ / १२ / २०२२ रोजी घेण्यात आली असून दिनांक २०/ १२ / २०२२ रोजी मतमोजणी झाली आहे.

त्या अनुषंगाने दिनांक २८/११/२०२२ ते दिनांक ०२/१२/२०२२ पावेतो निवडणुकीकामी अर्जदार यांच्याकडून नामनिर्देशन पत्रे भरुन घेणे कामी राज्य निवडणुक आयोगाच्या आदेशाप्रमाणे सदर कालावधीत नामनिर्देशनपत्र भरलेले आहेत असे सर्व अर्जदार (वैध, अवैध, माघार घेतलेले, बिनविरोध, निवडणुक लढविलेले) यांचेकडून निवडणुककामी झालेला दैनंदिन खर्चाचा अहवाल (True voter aplication) प्राप्त करुन घेण्यात यावा. सदर खर्चाचा अहवाल सादर करण्यास राज्य निवडणुक आयोगाच्या निर्देशानुसार दिनांक २०/१२/२०२२ रोजी मतमोजणी झाले पासून ते दिनांक १९/०१/२०२३ पावेतो मुदत देण्यात आलेली आहे.

उक्त नमुद केले प्रमाणे दैनंदिन निवडणुक खर्च व सर्व आवश्यक अहवालासह True voter aplication च्या माध्यमातून ऑनलाईल पध्दतीने सादर करुन त्याची प्रिंटआऊट काडून व त्यावर उमेदवार / अर्जदाराने स्वाक्षरी करुन नमुद केलेल्या विहीत मुदतीत संबंधित निवडणुक निर्णय अधिकारी यांच्या कडे सादर करावयचा आहे.