निष्क्रिय व गद्दारी करणाऱ्या पदाधिकाऱ्यांची शिवसेनेतून हकालपट्टी करा : शिवसैनिकांच्या बैठकीत मागणी 

पक्षश्रेष्ठी – संपर्कप्रमुख, नेत्यांना पाठवला ठराव 

प्रतिनिधी —

विधानसभा निवडणूकिच्या धक्कादायक निकालानंतर संगमनेर शिवसेना (उद्धव बाळासाहेब ठाकरे) पक्षातील शिवसैनिकांची चिंतन बैठक पार पडली. त्यात शिवसेना पक्षप्रमुख उद्धवसाहेब ठाकरे व विभागीय संपर्क नेते, जिल्हा संपर्क प्रमुख, विधानसभा संपर्क प्रमुख यांचे कडे विविध मागणीचे एकमुखी ठराव करून सदर ठरावाची प्रत पाठवलेली आहे. या ठराव मध्ये विविध मागण्या करण्यात आलेल्या आहेत.

प्रमुख मागणीमध्ये निवडणूक काळात निष्क्रिय आणि गद्दार पदाधिकारी व शिंदे गटाच्या आमदारांच्या मिरवणुकीमध्ये नाचत पेढे वाटणाऱ्या चार पदाधिकाऱ्यांची त्वरित हकालपट्टी करण्यात यावी अशी मागणी करण्यात आली.

महाराष्ट्र विधानसभा 2024 निवडणूकि नंतर महाविकास आघाडीची महाराष्ट्रात झालेली पीछेहाट व माजी महसूल मंत्री बाळासाहेब थोरात यांचा झालेला पराभव या सर्व गोष्टीचे आत्मचिंतन करण्यासाठी व पराभावाची कारणे शोधून गद्दारी करणाऱ्या पदाधिकाऱ्यांची हकालपट्टी करण्यासाठी तसेच झालेला पराभव विसरून नव्या जोमाने पुन्हा जनसेवा करण्यासाठी संगमनेर शिवसेना उद्धव बाळासाहेब ठाकरे पक्षाच्या शिवसैनिकांना माजी शहर प्रमुख अमर कतारी यांनी मार्गदर्शन करत कामाला लागायचा सल्ला दिला.

बैठकीमध्ये विविध विषयावर चर्चा करण्यात आली असून बाळासाहेब थोरात यांनी लोकसभा निवडणुकीत महाविकास आघाडी धर्म पाळला परंतु शिवसेना उद्धव बाळासाहेब ठाकरे पक्षातील काही गद्दारांनी बाळासाहेब थोरात यांना शब्द देऊनही सहकार्य न करता शिंदे गटाच्या उमेदवाराला कशी मदत होईल हा प्रयत्न केला यामुळे प्रामाणिक शिवसैनिकांमध्ये प्रचंड संताप निर्माण झालेला आहे. काही गद्दारांनी शिंदे गटाचे आमदार अमोल खताळ निवडून आल्यावर पेढे वाटप केले, त्यांचा सत्कार केला, तसेच डीजेच्या तालावर देखील नाचले ही गोष्ट प्रामाणिक शिवसैनिकांच्या पचणी न पडल्यामुळे सर्व शिवसैनिकांनी एकमताने सदर गद्दारांची हकालपट्टी करण्याचा एक मुखी ठराव केला आहे. सदर ठरावांमध्ये गद्दारी करणाऱ्या विद्यमान पदाधिकाऱ्यांपैकी गद्दारांची नावे देत त्वरित हकालपट्टी करावी अशी मागणी करण्यात आली.

तालुकाप्रमुख हे अतिशय निष्क्रिय राहिले. लोकसभा, विधानसभा निवडणुकीत त्यांनी तालुकाप्रमुख पदाला शोभेसे कोणतेही काम केले नसल्याने त्यांना या जबाबदारीच्या पदावरून त्वरित पदमुक्त करण्यात यावे व त्यांच्या जागी योग्य तालुकाप्रमुख नेमणूक करण्यात यावा. तसेच निष्क्रिय पदाधिकारी काढून त्यांच्या जागी योग्य पदाधिकाऱ्यांची नेमणूक करावी असा ठराव देखील करण्यात आला.

आगामी नगरपालिका, पंचायत समिती, जिल्हा परिषद निवडणूक दरम्यान संगमनेर काँग्रेसने शिवसेना उद्धव बाळासाहेब ठाकरे पक्षाला जर निवडणुकीत सन्मानाचा वाटा द्यावा अन्यथा शिवसेना उद्धव बाळासाहेब ठाकरे पक्ष स्वबळावर आगामी सर्व स्थानिक स्वराज्य संस्था निवडणूक लढवेल असा देखील ठराव करण्यात आला. यावेळी अनेक शिवसैनिकांनी मनोगत व्यक्त केले. काँग्रेस पक्षाच्या जिल्हा परिषद सदस्य, नगरसेवक, पंचायत समिती सदस्य, मुख्य नेते यांनी कोणत्याही प्रकारे शिवसैनिकांना विश्वासात घेतलं नसल्याने बाळासाहेब थोरात यांना पराभव बघायला लागल्याचे सांगण्यात आले. आगामी निवडणुकी काळात झालेल्या चुका दुरुस्त करून महायुतीच्या विरोधात संपूर्ण ताकतीने उतरण्याचे देखील शिवसैनिकांनी मत मांडले. यावेळी महिला आघाडी तालुकाप्रमुख शितल हासे, उपजिल्हाप्रमुख आशा केदारी उपतालुकाप्रमुख राजश्री वाकचौरे, रेणुका शिंदे, वैशाली वडतले, शहर प्रमुख संगीता गायकवाड, उपजिल्हाप्रमुख अशोक सातपुते, उपतालुकाप्रमुख सचिन साळवे, युवा सेना विधानसभा प्रमुख अमोल डुकरे, संगमनेर व्यापारी आघाडी शहर प्रमुख संभव लोढा, उपशहर प्रमुख वेणुगोपाल लाहोटी, वाहतूक सेना शहर प्रमुख इम्तियाज शेख, युवा सेना जिल्हा समन्वयक फैसल सय्यद, युवा सेना जिल्हाप्रमुख अमित चव्हाण, विभाग प्रमुख अल्ताफ मुमताज, विभाग प्रमुख परवेज शेख, उपतालुकाप्रमुख संजय सोनवणे, ग्राहक कक्ष तालुकाप्रमुख सदाशिव हासे, उपतालुकाप्रमुख जना नागरे, लक्ष्मण सोन्नर, युवा सेना शहर प्रमुख गोविंद नागरे, आरोग्य सेना जिल्हाप्रमुख अजिज मोमीन, उप शहर प्रमुख नारायण पवार, युवा सेना तालुका प्रमुख अक्षय गुंजाळ, पठार भाग तालुकाप्रमुख योगेश खेमनर, शिवसेना उपतालुकाप्रमुख एकनाथ खेमनर, युवा सेना उप प्रमुख गुलाब कोकाटे, विभाग प्रमुख कयूम शेख, रहीम बेग, सलमान शेख, शशिकांत घुले, मयूर ढोकरे, विभाग प्रमुख प्रशांत खजुरे, शाखाप्रमुख प्रकाश चोथवे, ज्येष्ठ शिवसैनिक रंगनाथ फटांगरे, त्रिलोक कतारी, पंकज पडवळ, पठार भागातील शिवसैनिक सुनील घुले, कृषी उत्पन्न बाजार समिती सदस्य विजय सातपुते, माजी तालुकाप्रमुख भाऊसाहेब हासे, शिवसेना शहर संघटक पप्पू कानकाटे, ज्येष्ठ शिवसैनिक गणेश धात्रक, आश्वी उपतालुकाप्रमुख प्रकाश गायकवाड, उपतालुकाप्रमुख निलेश गुंजाळ, गटप्रमुख रवी गिरी, शहर समन्वयक असिफ तांबोळी, उपशहर प्रमुख अक्षय गाडे, शिवसेना उपशहर प्रमुख दीपक वनम, युवा सेना उपजिल्हाप्रमुख वैभव रामनाथ अभंग, माजी युवा सेना तालुकाप्रमुख राजू सातपुते, विभाग प्रमुख जयदेव यादव, शाखाप्रमुख अनिल खुळे, उपतालुकाप्रमुख गोकुळ लांडगे, दत्तात्रय आहेर, रिक्षा सेना शहर प्रमुख अशोक बडे, रवी बढे, सोमनाथ शेंडे, शिवसेना शहर समन्वयक दीपक साळुंखे, युवा सेना उप तालुका प्रमुख सागर भागवत, ज्येष्ठ शिवसैनिक हरीश भाऊ लांडगे शिवसैनिक अमर भाऊ कतारी, सोबत अनेक शिवसैनिक पदाधिकारी उपस्थित होते.