ख्रिस्त जन्म म्हणजे माणुसकीचा जन्म — फादर प्रशांत शहाराव

प्रतिनिधी —

ख्रिस्त जन्म म्हणजे माणुसकीचा जन्म असून ख्रिस्ताने आपल्या कार्यातून व आपल्या वर्तणुकीतून माणुसकीला जन्म दिला असल्याचे प्रतिपादन सेंट मेरी धर्मग्रामाचे सहाय्यक धर्मगुरू फादर प्रशांत शहाराव यांनी केले. ख्रिस्त जयंती निमित्त भाविकांना संदेश देताना ते बोलत होते.

शहाराव पुढे म्हणाले की, नाताळ सण हा समजून घेतला तर जीवनात कोणत्याच वाईट प्रथांचे अतिक्रमण होणार नाही. शांतीचा संदेश देणाऱ्या ख्रिस्त जन्मदिनी राष्ट्रीय एकात्मता जोपासण्यासाठी सर्वांनी प्रयत्न करायला हवेत.

सेंट मेरी धर्मग्राम प्रमुख फा.सायमन शिनगारे, ज्ञानमाता विद्यालयाचे प्राचार्य फा.जेम्स थोरात, संत ईगनाथी चर्चेचे प्रमुख धर्मगुरू फा.नेल्सन परेरा, मॅथोडिस्ट चर्चेचे रेव्ह.जॉर्ज चोपडे, बेथेल वर्शिप सेंटरचे पा.शिवाजी लांडगे, बिलिव्हर्स चर्चेचे पास्टर ग्रेगरी केदारी, दीपक शेळके, अमोल साळवे, बापू शेळके, विजय दारोळे, मच्छिंद्र जगताप, आदींनी आपापल्या चर्चेस मधून धार्मिक एकोपा, महामारी दूर व्हावी, राजकीय परिस्थितीमध्ये स्थिरता यावी म्हणून ख्रिस्त जयंती निमित्ताने आपल्या माणुसकीचा वर्षाव सत्कृत्याद्वारे गरीब दुबळे व गरजवंतांसाठी व्हावा हा महत्त्वाचा संदेश दिला धार्मिक विधी व विविध सांस्कृतिक कार्यक्रमाद्वारे ख्रिस्त जन्म सोहळा तालुक्यात सर्वत्र मोठ्या उत्साहात साजरा करण्यात आला.

ख्रिस्ती बांधवांबरोबरच माजी महसूल मंत्री आमदार बाळासाहेब थोरात, डॉ.सुधीर तांबे, माजी नगराध्यक्ष दुर्गाताई तांबे, आमदार सत्यजित तांबे आदींनी समस्त ख्रिस्ती बांधवांना शुभेच्छा दिल्या.

यावेळी प्रा.बाबा खरात, ख्रिस्ती विकास परिषदेचे अध्यक्ष अनिल भोसले, ॲड. विजयानंद पगारे, आरपीआयचे तालुका अध्यक्ष आशिष शेळके, ॲड. रवी शेळके, अरविंद सांगळे, कैलास भोसले, प्रभाकर चांदेकर, रमेश ओहोळ, विजय शेळके, सुखदेव शेळके, ॲड. किरण रोहोम, सचिन मुन्तोंडे, आर.ई.गायकवाड, प्रवीण रोहम, प्रशांत यादव, सत्यानंद कसाब, लॉरेन्स गायकवाड, अजित पाटोळे, लाजारस केदारी, सुधीर ब्रम्हे, बाळासाहेब भोसले, सनी गायकवाड, सिमोन रुपटक्के, संजय कदम, भाऊसाहेब यादव आदींसह ख्रिस्ती बांधव मोठ्या संख्येने उपस्थित होते.