विठे केंद्रातील जिल्हा परिषदेच्या शाळांना संगणक वाटप !
मिशन आपुलकी अंतर्गत उपक्रम
प्रतिनिधी —
अकोले तालुक्यातील विठे केंद्रातील जिल्हा परिषदेच्या आठ शाळांना मिशन आपुलकी अंतर्गत संगणक वाटप करण्यात आले.
बोरिवली मुंबई येथिल दांपत्य सुविधा संदेश शिंदे व संदेश गिरीश शिंदे यांच्या दातृत्वाने विठे केंद्रातील या शाळांना संगणक वाटप करण्यात आले. कार्यक्रमाचे नियोजन जिल्हा परिषद प्राथमिक शाळा ठाकरवाडी विठे येथे करण्यात आले होते.
या कार्यक्रम प्रसंगी राजूर बीट च्या विस्ताराधिकारी सविता कचरे, केंद्रप्रमुख स्वाती अडाणे, सर्व शाळांचे मुख्यध्यापक उपस्थित होते. प्रास्ताविक व पाहुण्यांचा परिचय केंद्रप्रमुख स्वाती अडाणे यांनी करून दिला.
सुविधा शिंदे यांनी सांगितले की आजचे शिक्षणाला संगणकाची जोड पाहिजे. माहिती तंत्रज्ञानाच्या जगात संगणका शिवाय पर्याय नाही. म्हणून सर्व मुलांनी संगणकाचा वापर आपल्या अध्ययन अध्यापनात रोज करावा.
संदेश शिंदे म्हणाले की, आई वडिलांचे व गुरुचे आज्ञापालन करावे. जीवनात मोठे व्हायचे असेल शिक्षणाशिवाय तरणोपाय नाही. मी सुद्धा सर्वसामान्य कुटूंबातूनच शिक्षण घेऊन मोठा झालो. जीवनात एक ध्येय ठेवून जीवन जगले पाहिजे. त्या जाणिवेतूनच आज मी तुम्हा सर्वांना संगणक देत आहे.
राजूर विस्ताराधिकारी सविता कचरे यांनी सांगितले की, माहिती व तंत्रज्ञानाचा वापर योग्य पध्दतीने झाला तर ते जीवनाला मार्गदर्शन च ठरेल. वाडी वस्तीतील मुलांना तंत्रज्ञानाची जोड मिळाल्याने शिक्षण घेणे सोईचे होईल.
कार्यक्रमाचे नियोजन शाळेचे मुख्याध्यापक सुधीर बोऱ्हाडे व त्यांच्या सर्व शिक्षकांनी केले. सूत्रसंचालन शाळेच्या तंत्रस्नेही शिक्षिका स्मिता धनवटे यांनी केले.
आभार कार्यक्रम भोजदरी शाळेचे मुख्याध्यापक अनिल कुटे यांनी केले. गटशिक्षणाधिकारी जालिंदर खताळ व सर्व विस्ताराधिकारी या सर्वांनी या उपक्रमाचे कौतुक व स्वागत केले. कार्यक्रम प्रसंगी दुंदा ढगे, अशोकदे शमुख, बाळासाहेब भांगरे, नामदेव बांडे, नंदू नाडेकर, दीपक बोऱ्हाडे, राजेश पवार, विठ्ठल चव्हाण, बाळू चौधरी उपस्थित होते.
