संगमनेरच्या कर्तव्यम् फाऊंडेशनला रक्त मित्र पुरस्कार जाहीर
नाशिक येथे शनिवारी होणार पुरस्काराचे वितरण
प्रतिनिधी —
संगमनेर येथील कर्तव्यम् फाऊंडेशन हे गरजू रुग्णांना रक्त पुरवठा करण्याचे कार्य गेल्या सात वर्षांपासून करत आहे. या फाऊंडेशनला नाशिक येथील अर्पण थॅलेसेमिया सोसायटी आणि अर्पण रक्त केंद्र यांच्या वतीने रक्त मित्र पुरस्कार जाहीर करण्यात आला आहे. या पुरस्काराचे वितरण नाशिक येथे शनिवार दि. १४ मे रोजी होणार आहे.
कर्तव्यम् फाऊंडेशनचे संस्थापक अध्यक्ष तुषार शरद ओहरा यांच्या संकल्पनेतून गरजू रुग्णांना त्वरित रक्त पुरवठा करण्याची मोहीम हाती घेतली. २०१५ मध्ये या फाऊंडेशनची स्थापना झाली. त्यांनतर विविध ब्लड बँक तसेच हॉस्पिटल यांच्या रक्तासाठी मागणी होऊ लागली. महाराष्ट्रतील विविध जिल्ह्यामध्ये गरजू रुग्णांना कर्तव्यम् फाऊंडेशनने रक्त पुरविले आहे. त्याचबरोबर दिल्ली, हैद्राबाद , गुजरात या ठिकाणी देखील अनेक रुग्णांना रक्त पुरवठा केला आहे. या कार्याची दखल घेत नाशिक येथील अर्पण थॅलेसेमिया सोसायटी आणि अर्पण रक्त केंद्र यांच्या वतीने रक्त मित्र पुरस्कार जाहीर करण्यात आला आहे.
या पुरस्कार वितरण सोहळ्यास प्रमुख अतिथी सुनीता बोहरा (अध्यक्ष, जीतो लेडीज विंग, जीतो ॲपेक्स, मुंबई.), चिन्मय उद्गिरकर (सुप्रसिद्ध अभिनेता), प्रमुख उपस्थिती डॉ. निलेश वासेकर (सुप्रसिद्ध हिमॅटोलॉजीस्ट), डॉ. सिद्धेश कलंत्री (सुप्रसिद्ध हिमॅटोलॉजीस्ट), डॉ. एन. के. तातेड (अध्यक्ष, अर्पण थॅलेसेमिया सोसायटी), डॉ. अतुल जैन (सेक्रेटरी, अर्पण थॅलेसेमिया सोसायटी), डॉ. वर्षा उगांवकर (कार्यकारी संचलिका, अर्पण थॅलेसेमिया सोसायटी), नाशिक अर्पण ब्लड बँकेचे व्यवस्थापक आर.के. जैन व संगमनेर अर्पण बँकेच्या व्यवस्थापक प्रमिला कडलग उपस्थित राहणार आहेत.
कर्तव्यम् फाऊंडेशनला संगमनेर येथील शिवजयंती उत्सव युवक समिती, बाजारपेठ व्यापारी मीत्र मंडळ, छत्रपती फाऊंडेशन, विश्वहिंदु परिषद – बजरंग दल, हिंदुराजा प्रतीष्ठान, संगमनेरी युथ सोशल फाऊंडेशन तसेच संगमनेरातील सर्व सामाजीक सेवाभावी संस्था यांचे सहकार्य लाभत असते.