वडगावपान सोसायटीवर शेतकरी ग्राम विकास मंडळाचे वर्चस्व

 प्रतिनिधी —

तालुक्यातील प्रतिष्ठेच्या समजल्या जाणार्‍या वडगाव पान विविध कार्यकारी सेवा सह. सोसायटीच्या निवडणुकीत महसूलमंत्री थोरात यांच्या मार्गदर्शनाखाली शेतकरी ग्राम विकास मंडळांने सर्वच्या सर्व १३ जागांवर मोठ्या फरकाने विजय मिळवला असल्याची माहिती कारखान्याचे चेअरमन बाबा ओहोळ यांनी दिली आहे.

निवडणुकीमध्ये एक जागा आधीच बिनविरोध व १२ जागा मोठ्या फरकाने शेतकरी विकास मंडळाचे जिंकून आणल्या आहेत.

याप्रसंगी महेश मोरे, डॉ. दादाभाऊ थोरात, बाळासाहेब गायकवाड, अशोकराव थोरात, पंचायत समिती सदस्य बेबी थोरात, एन टी थोरात, अरुण गायकवाड, कुळधरण आदि उपस्थित होते.

या निवडणूकीत सर्वसाधारण मतदार संघातून अशोक बाबुराव काशिद, नानासाहेब शांताराम कुळधरण, आबासाहेब मनोहर थोरात, दिलीप माधवराव थोरात, निलेश गोरक्षनाथ थोरात, रामनाथ विष्णु थोरात, शंकर धोंडीबा थोरात, शंकर मारुती थोरात हे विजयी झाले असून इतर मागास प्रवर्गातून गडगे राधाकिसन मुरलीधर, महिला राखीव मतदार संघातून कमल रामनाथ काशिद, केशरबाई पोपट थोरात, भटक्या विमुक्त मतदार संघातून भिकाजी बाळाजी शिरसाठ तर अनु – जाती जमाती मतदार संघातून रविंद्र सिताराम गायकवाड हे मोठ्या मताधिक्यांनी निवडूण आले आहेत.

याप्रसंगी ओहोळ  म्हणाले की, हा विजय ऐतिहासिक आहे. सर्व सभासदांनी धनशक्तीला नाकारून गुणशक्तीवर विश्वास ठेवून मतदान केले. विरोधकांनी कायम खोटा प्रचार करून सभासदांना भुलवण्याचा प्रयत्न केला. परंतु सभासदांनी त्यावर विश्वास न ठेवता महसूलमंत्री बाळासाहेब थोरात यांच्या विचारावर आचरण करणार्‍यावर व सर्व समाजासाठी गाव बांधिलकीचे काम करणारे उमेदवार निवडून दिले आहेत. जरी काहींनी अभासी प्रचाराला धरून विरोधात मत टाकले असतील तर त्यांनी शेतकरी ग्रामविकास मंडळाच्या विचारावर व गावच्या परंपरेसाठी सलोखा राखून पुन्हा ह्या विचारात सहभागी व्हावे.

व्यक्तीद्वेषातून चार लोकांच्या समाधानासाठी चांगल्या विचारापासून दूर न जाता गाव बांधिलकी मध्ये सहभागी व्हावे. धर्म, जातीवर आधारित प्रचार बहुसंख्य लोकांना मान्य नाही हे पुन्हा या निवडणुकीत सिद्ध झाले. हीच खरी शिकवण आहे. सहकार महर्षी भाऊसाहेब थोरात स्व. दत्ताजी मोरे , प्रतापराव मोरे यांच्या विचारावर कायमच लोकांनी विश्वास दाखवलेला आहे.

या निवडणुकीत युवक, जेष्ठ, नागरिक कार्यकर्ते यांनी मेहनत घेऊन हा विजय खेचून आणला. यावेळी निलेश थोरात, नितीन गायकवाड, बयजु तात्या थोरात, छोटू थोरात, संभाजी काशीद, संभाजी थोरात, मनोहर थोरात, एकनाथ थोरात, पुंजा थोरात, बाबासाहेब थोरात, पुंजाहरी थोरात, कैलास थोरात आदी कार्यकर्त्यांनी मेहनत घेतली

या  सर्व विजयी उमेदवारांचे महसूलमंत्री बाळासाहेब थोरात, आमदार डॉ. सुधीर तांबे कारखान्याचे संचालक इंद्रजीत थोरात, बाजीराव खेमनर, रणजितसिंह देशमुख यांनी अभिनंदन करुन पुढील वाटचालीस शुभेच्छा दिल्या आहेत.