अकोले तालुक्याच्या मातीचा इतिहास ;
इथे प्रामाणिक पणे काम केले तर प्रगती निश्चित —
डॉ. संजय घोगरे
प्रतिनिधी —
अकोल्याच्या मातीचा इतिहास आहे कि इथे प्रामाणिक पणे काम केले तर प्रगती निश्चित होते अशी भावना नुकतीच अहमदनगर जिल्हा शल्यचिकित्सक पदी नियुक्ती झालेले डॉ.संजय घोगरे यांनी व्यक्त केली.
अकोले ग्रामीण रुग्णालयाचे वैद्यकिय अधिक्षक डॉ.संजय घोगरे यांची आज अहमदनगर जिल्हा शल्य चिकित्सक पदी नियुक्ती झाल्याने अकोले ग्रामीण रुग्णालयाच्या वतीने त्यांचा सत्कार करण्यात आला.
याप्रसंगी सत्काराला उत्तर देताना डॉ.घोगरे बोलत होते यावेळी डॉ.बाळासाहेब मेहेत्रे, डॉ.सुनिल साळुंके, डॉ.सुरेखा पोपेरे, रुग्णकल्याण समितीचे प्रा. सुरेश खांडगे, सामाजिक कार्यकर्ते संदिप दराडे, अकोले तालुका मेडिकल असोसिएशनचे अध्यक्ष डॉ.सचिन नवले, डॉ.जयसिंग कानवडे, डॉ.अनिल वाघ, डॉ.संदेश भांगरे, डॉ.संदिप कडलक, तालुका वैद्यकीय अधिकारी डॉ.श्यामकांत शेटे, सुबोध मोहिते, डॉ.इंद्रजित गंभिरे, डॉ.सखाराम घनकुटे, डॉ.सुवर्णा मेहेत्रे व कर्मचारी उपस्थित होते.
डॉ.घोगरे म्हणाले कि, माझ्या नोकरीतील २५ वर्षापैकी १५ वर्ष मी अकोले तालुक्यात काम केले. माझी पहिलीच नियुक्ती ही तालुक्यातील आदिवासी भागातील कोहणे येथे झाली होती. यामुळेच कदाचित मला याच जिल्ह्यातील जिल्हा शल्यचिकित्सक म्हणून काम करण्याची संधी मिळाली. तालुक्यातील गोरगरीब जनतेचे आशिर्वाद आपल्याला लाभले. ज्या गावात नोकरीला लवकर कोणी जात नव्हते अशा कोहणे गावात मी मुख्यालयी राहून जनतेला सेवा दिली आहे. माणसाने जिद्दीने काम केले तर अपयश येत नाही.
शासकीय नोकरीतील प्रत्येकाने पगरापैकी १० टक्के जरी प्रामाणिक काम केले तरी निश्चित पणे जनतेला चांगली सेवा मिळेल. माझीही आता जिल्हा शल्यचिकित्सक म्हणून जबाबदारी वाढणार आहे. मलाही त्या पदाला न्याय देण्याचे काम करावे लागेल. त्यासाठी इथेही प्रत्येकाने पदाला न्याय देण्याचे काम करावे व मलाही सहकार्य करावे अशी अपेक्षा व्यक्त केली.
रुग्ण कल्याण समितीचे प्रा. सुरेश खांडगे म्हणाले कि, आपल्या घरात चार माणसं संभाळणं अवघड असते मात्र डॉ.घोगरे यांनी एवढे मोठे अकोले ग्रामीण रुग्णालय कुटुंबासारखे संभाळले. त्यांच्या अंगी असलेल्या गुणांमुळे हे त्यांनी शक्य केले. एखाद्या अधिकाऱ्याला दुसऱ्या ठिकाणी चार्ज दिल्यावर त्याला तालुक्यातील राजकीय पदाधिकारी, लोकप्रतिनिधी व सामाजिक कार्यकर्ते बोलावून घेतात हा त्या अधिकाऱ्याच्या कार्यकाैशल्याचा सन्मान असतो. तो घोगरे यांचा झालेला आहे.
अनेकदा अधिकारी कधी जाईल अशी वाट पाहत असतात मात्र डॉ. घोगरे असे आहेत कि, ज्याना शिर्डिला पाठवले असता तुमची गरज आहे तुम्ही परत या असे लोक म्हणत होते असा पहीला वैद्यकीय अधिकारी आहे. त्याची आज जिल्हा शल्यचिकित्सक म्हणून नियुक्ती झाली आहे.
डॉ.अनिल वाघ म्हणाले कि अकोले तालुक्यात डॉ.संजय घोगरे यांचे कोविड काळात एवढे चांगले काम होते कि, जिल्हा प्रशासनाने त्यांच्या कामाची दखल घेऊन शिर्डी येथील पदभार दिला होता. मात्र त्यावेळी अकोलेत खळबळ उडाली व तालुक्यातील जनतेने रेटा लावला कि आम्हाला डॉ.घोगरे पुन्हा अकोल्यात पाहिजेत. तालुक्यातील राजकीय प्रतिष्ठा पणाला लावून पुन्हा डॉ.घोगरेना अकोलेत रूजू केले व तालुक्यात कोविडच्या सुविधा पूर्ववत झाल्या.
कोविड काळात डॉ.घोगरे यांचे काम, मार्गदर्शन उत्तम होते. प्रशासकीय कामाचा चांगला अनुभव असल्याने ते निश्चित अहमदनगरलाही शल्यचिकित्सक म्हणून चांगले काम करतील. त्यांना अकोले तालुका मेडिकल असोसिएशनच्या वतिने शुभेच्छा.
कार्यक्रमाचे सुत्रसंचलन डॉ..संदिप कडलग यांनी केले तर आभार डॉ.सुनिल साळुंके यांनी मानले. ब्रदर आकाश देसाई, अशोक शिरतार सर्व परिचारिका, परिचर, शिपाई कर्मचारी आदि उपस्थित होते.