अवैध दारू विक्रीवर एलसीबीचा छापा !

 1 लाख 68 हजार रुपयांचा मुद्देमाल जप्त 

 संगमनेर टाइम्स न्यूज नेटवर्क —

अहिल्यानगर स्थानिक गुन्हे शाखेने अवैध दारू विक्री करणाऱ्या हॉटेलमध्ये छापा टाकून एक लाख 68 हजार 960 रुपयांचा मुद्देमाल जप्त केला असून एकास अटक केली आहे.

जामखेड पोलीस ठाणे हद्दीतील जामखेड ते नान्नज जाणारे रोडवर चुंबळी गावच्या शिवारातील न्यू रसिका हॉटेलमध्ये दारूची अवैध विक्री चालू असल्याची माहिती गुन्हे शाखेच्या पथकाला मिळाल्यानंतर त्या ठिकाणी छापा टाकून ही कारवाई करण्यात आली आहे तुषार विठ्ठल जगताप (वय – 32 वर्षे, रा. शिवाजीनगर, जामखेड, ता.जामखेड) या तरुणास ताब्यात घेण्यात आले आहे.

स्थानिक गुन्हे शाखेतील पोउपनि समीर अभंग, पोलीस अंमलदार ह्रदय, घोडके, शामसुंदर जाधव, चालक अरुण मोरे यांच्या पथकाने ही कारवाई केली आहे.

सदर हॉटेलमध्ये झेडपी घेतली असता 44 सिलबंद देशी दारु बॉक्स प्रत्येक बॉक्समध्ये 48 सिलबंद बाटल्या असा एकुण 1,68,960/- रुपये किमतीचा मुद्देमाल हस्तगत करण्यात आला आहे. पोलीस नाईक श्यामसुंदर अंकुश जाधव यांच्या फिर्यादीवरुन जामखेड पोलीस ठाणे गु.र.नं. 683/2025 महाराष्ट्र दारुबंदी कायदा कलम 65 (ई) प्रमाणे गुन्हा दाखल करण्यात आला असुन पुढील तपास जामखेड पोलीस स्टेशन करीत आहे.