हजरत मोहम्मद पैगंबर जयंतीनिमित्त संगमनेरात एकता नगर सोशल ग्रुपचा अनोखा उपक्रम – जुलूसात स्वच्छता अभियान

धार्मिक उत्सवात स्वच्छतेचा संदेश – 

संगमनेर प्रतिनिधी दिनांक —

हजरत मोहम्मद पैगंबर यांच्या जयंतीनिमित्त दिनांक 8 सप्टेंबर 2025 रोजी संगमनेर शहरात जुलूसाचे आयोजन करण्यात आले. एकता नगर सोशल ग्रुपने जुलूसाच्या शेवटी झाडू हातात घेऊन स्वच्छता अभियान राबवले आणि “स्वच्छ संगमनेर – सुंदर संगमनेर” असा प्रेरणादायी संदेश दिला.

जुम्मा मस्जिद येथून सुरू झालेला जुलूस नाईकवाडपुरा, लखमीपुरा, देवी गल्ली, मोगलपुरा, सय्यद बाबा चौक, नाशिक रोड, मोमीनपुरा, नगरपालिका, रंगार गल्ली, गांधी चौक, तेली खुंट मार्गे परत मोगलपुरा येथे संपन्न झाला. या मार्गावर सोशल ग्रुपच्या कार्यकर्त्यांनी स्वतः झाडू फिरवून नागरिकांना स्वच्छतेचे महत्त्व पटवून दिले.

या उपक्रमात शेख जावेद, गुलाम मोहम्मद, जावेद सादिक शेख, मोहसीन शेख, अफरोज पठाण, शाविद शेख, तौसिफ शेख, मुजू शेख, सहेबाज शेख, सरफराज पठाण, सलीम पठाण, आतिफ शेख, वसीम शेख, मुजाहिद पठाण, फिरोज पठाण, इमरान पठाण, नदीम सौदागर, सलमान शेख, बाबू शेख, साद शेख, नदीम तांबोळी, शकील शेख, अदनान सय्यद, शादाब शेख, मोबीन शेख, नियाज शेख, सोहेल शेख, इस्माईल शेख, फजील शेख, जीशान शेख, मुन्ना शेख, सलमान शेख, शाकीर शेख, समीर शेख, मोईश शेख, रमीज शेख, अझहर शेख, काशीब शेख, शाहिद शेख, साहिल शेख, फरीद सय्यद, हासिम शेख आदी कार्यकर्त्यांचा मोठ्या संख्येने सहभाग होता.

नागरिकांनी या उपक्रमाचे मनापासून स्वागत केले. धार्मिक जुलूसासोबत स्वच्छतेचा संदेश देण्याची ही परंपरा संगमनेरासाठी अनुकरणीय ठरली आहे.