संगमनेर शहर शिवसेनेच्या वतीने पहलगाम दहशतवादी हल्ल्याचा जाहीर निषेध
संगमनेर दि.
शिवसेना ( उद्धव बाळासाहेब ठाकरे) वतीने पहलगाम जम्मू काश्मीर येथील दहशतवादी हल्ल्याचा जाहीर निषेध करण्यात आला यावेळी शिवसैनिकांनी पाकिस्तान मुर्दाबादच्या जोरदार घोषणा दिल्या. तसेच सदर हल्ल्याची जबाबदारी स्वीकारून अमित शहा यांनी राजीनामा द्यावा अशी ही मागणी शिवसैनिकांच्या वतीने करण्यात आली.
काँग्रेस काळात अनेक वेळा असे दहशतवादी हल्ले होत होते, या दहशतवादी हल्ल्याला वैतागूनच लोकांनी काँग्रेसला घरी बसवले आणि हिंदुत्ववादी सरकार उदयास आणले. भारतात शांतता व सुव्यवस्था राहावी म्हणून भारतीय नागरिकांनी भाजप सरकार निवडून दिले. भाजपच्या काळात देखील पुलवामा सारखा भयंकर हल्ला झाला आणि त्यानंतर आता पहलगाम सारखा दहशतवादी हल्ला झाला. या प्रकारचे हल्ले होत असतील तर ज्या प्रकारे लोकांनी काँग्रेसला घरी बसवले तसे आता भाजपला देखील घरी बसवायची वेळ आली आहे. अशी टीका शिवसेनेचे माजी शहरप्रमुख अमर कतारी यांनी केली. यावेळी उप जिल्हाप्रमुख अशोक सातपुते यांनी अमित शहा यांच्या राजीनाम्याची मागणी केली व पाकिस्तानचा तीव्र शब्दात निषेध व्यक्त केला. महिला आघाडी तालुकाप्रमुख शितलताई हासे यांनी सुद्धा आपल्या भावना तीव्र शब्दात व्यक्त करत पाकिस्तानचा निषेध केला.
अजीज मोमीन व आसिफ तांबोळी यांनी देखील आपल्या भावना व्यक्त केल्या व पाकिस्तानच्या क्रूर हल्ल्याला जशास तसे उत्तर द्यावे आम्ही भारतीय म्हणून सदैव सोबत राहू व पाकिस्तानचा निषेध नोंदवला. यावेळी पप्पू कानकाटे यांनी देखील आपले मनोगत व्यक्त केले व पाकिस्तान मुर्दाबाद च्या जोरदार घोषणा दिल्या. अमित चव्हाण यांनी सुद्धा देशाची कायदा व सुव्यवस्थेवर प्रश्न निर्माण करीत दहशतवाद्यांना जशास तसे उत्तर देण्याची मागणी केली. यावेळी अनेक शिवसैनिकांनी आपले मनोगत व्यक्त केले व आपल्या भावना मांडल्या.
माजी शहर प्रमुख अमर कतारी, शिवसेना उपजिल्हाप्रमुख अशोक सातपुते, अपंग सहाय्यसेना जिल्हाप्रमुख जालिंदर लहामगे, युवा सेना जिल्हाप्रमुख अमित चव्हाण, पप्पू कानकाटे, महिला आघाडी तालुकाप्रमुख शितलताई हासे, महिला आघाडी शहर प्रमुख वैशालीताई वडतले, व्यापारी आघाडी शहर प्रमुख संभव लोढा, ग्राहक संरक्षण कक्ष तालुकाप्रमुख सदाशिव हासे, शिव आरोग्य सेना जिल्हा समन्वयक अजीज मोमीन, वाहतूक सेना शहरप्रमुख इम्तियाज शेख, शिवसेना उपशहर प्रमुख वेणुगोपाल लाहोटी, शहर समन्वयक आसिफ भाई तांबोळी, युवा सेना माजी तालुकाप्रमुख राजू सातपुते, कृषी उत्पन्न बाजार समिती सदस्य विजय सातपुते, युवा सेना विधानसभा प्रमुख अमोल डुकरे, शिवसैनिक त्रिलोक कतारी, विभागप्रमुख प्रशांत खजुरे, शाखाप्रमुख प्रकाश चोथवे, माझी संपर्कप्रमुख राहणे, प्रकाश गायकवाड, अमित फटांगरे, एसटी कामगार सेनेचे रिक्षा सेनेचे पदाधिकारी उपस्थित होत.