संगमनेर शहरात आमदार अमोल खताळ यांच्या प्रभागनिहाय भेटी

 संगमनेर टाइम्स न्यूज नेटवर्क – 

संगमनेर नगरपरिषदेची निवडणूक सध्या चांगलीच रंगात आली असून शहरात प्रचंड उत्सुकता निर्माण झाली आहे. या पार्श्वभूमीवर आमदार अमोल खताळ यांनी प्रभागनिहाय मतदारांच्या भेटी सुरू केल्या आहेत.

शहरातील प्रत्येक प्रभागात आमदार अमोल खताळ तळमळीने भेट देत असून नागरिकांच्या अडचणी, अपेक्षा आणि सुचना शांतपणे ऐकून घेत आहेत. कामकाजातील पारदर्शकता, विकासाभिमुख दृष्टिकोन आणि सहज, साधेपणाने भेटणारी कार्यशैली अवलंबली आहे.

प्रभागांत होत असलेल्या भेटीदरम्यान विकासकामांबाबतचे तपशील, भविष्यातील योजना आणि शहराचा कायापालट कसा करायचा याबद्दल ते नागरिकांशी चर्चा करत आहेत. विशेष म्हणजे, आमदार ज्या प्रभागात पोहोचतात, तिथे नागरिकांनी केलेली गर्दी हे त्यांच्या प्रति असलेल्या विश्वासाचे जिवंत उदाहरण ठरत असल्याचे कार्यकर्त्यांचे म्हणणे आहे.

शहरातील बहुसंख्य लोक महायुतीच्या उमेदवारांच्या पाठीशीच उभे राहतील. संगमनेरमधील ही जनभावना आणि नागरिकांचा उदंड प्रतिसाद पाहता, आगामी निवडणुकीत वातावरण किती तापले आहे याची प्रचीती येते. विकास, संवाद आणि संपर्क यांवर आधारलेली अशी आमदार अमोल खताळ यांची प्रभागभेट असल्याच्या प्रतिक्रिया शिवसेनेचे पदाधिकारी कार्यकर्ते व्यक्त करतात.